Kanadada maskalı şəxs ətrafdakılara hücum edib, xəsarət alan var

Kanadanın Toronto şəhərində bir kişinin maçete ilə ətrafdakılara hücumu nəticəsində azı iki nəfər yaralanıb.

“Report” xəbər verir ki, bu barədə “Global News” telekanalı məlumat yayıb.

Hadisə şəhərin şimal hissəsində baş verib. Polisin məlumatına görə, hücum edən şəxs qorxu filmlərindən birinin personajının maskasını taxıb. O, yoldan keçənlərə hücum üçün soyuq silahdan istifadə edib.

Hazırda şübhəlinin axtarışı davam etdirilir.