İtaliyanın Baş naziri Zelenskini Romaya dəvət edib

İtaliyanın Baş naziri Corca Meloni telefon danışığı zamanı Ukrayna Prezidenti Volodimir Zelenskini Romaya dəvət edib, həmçinin Kiyevə səfər etmək niyyətini təsdiqləyib.

“Report” İtaliya Nazirlər Şurasının mətbuat xidmətinə istinadən xəbər verir ki, Meloni Ukraynada ədalətli sülhün əldə olunması üçün istənilən təşəbbüsü dəstəklədiyini bildirib.

“Meloni Ukrayna lideri ilə telefon danışığı zamanı siyasi, hərbi, iqtisadi və humanitar müstəvidə, o cümlədən enerji infrastrukturunun bərpasında və ölkənin gələcək yenidən qurulmasında Kiyevə tam dəstəyini ifadə edib”, - məlumatda qeyd olunub.