ISW: “Lukaşenko “Vaqner” silahlılarından Belarus ordusunu gücləndirmək üçün istifadə edə bilər”

Belarus Prezidenti Aleksandr Lukaşenko öz silahlı qüvvələrinin itirilmiş imkanlarını bərpa etmək üçün “Vaqner” Xüsusi Hərbi Şirkətinin hərbçilərindən istifadə etməyə cəhd edə bilər.

"Report" xəbər verir ki, bu barədə ABŞ-ın Müharibə Araşdırmaları İnstitutunun (ISW) hesabatında deyilir.

Analitiklər hesab edirlər ki, Lukaşenko Belarusdakı “vaqnerçilər”dən istifadə etməklə yüksək operativ funksiyaların yerinə yetirilməsində öz silahlı qüvvələrinin Rusiya silahlı qüvvələrindən struktur asılılığını azaltmağa cəhd edə bilər. Bu həmçinin Kremlin “İttifaq dövləti” vasitəsilə Belarusu ələ keçirmək kampaniyasını tarazlaşdırmağa imkan verə bilər.

Lukaşenkonun bəyanatları onu da deməyə əsas verir ki, “Vaqner” ilk növbədə Belarus ordusu üçün təlim və məsləhət üzrə tərəfdaş kimi çıxış edəcək.