İsrailli nazir Netanyahudan Qəzzada döyüşləri bərpa etməyi tələb edib

İsrailin milli təhlükəsizlik naziri İtamar Ben-Qvir Qəzza zolağında tammiqyaslı hərbi əməliyyatların dərhal bərpa olunmasını istəyib.

"Report" xəbər verir ki, bu barədə nazir özünün Telegram kanalında yazıb.

"Mən Baş naziri İsrail Müdafiə Qüvvələrinə Zolaqda hərbi əməliyyatları tam şəkildə bərpa etməyi əmr etməyə çağırıram. "HƏMAS"ın mövqeyini dəyişəcəyi, hətta gözlənildiyi kimi imzaladığı razılaşmaya sadiq qalacağına dair yalan illüziyalar bizim təhlükəsizliyimiz üçün təhdiddir", - Ben-Qvir bildirib.

Nazir həmçinin hərəkatın mümkün qədər tez tam məhv edilməsini istəyib.