İsrailin Münxendəki baş konsulluğuna hücum olub

İsrailin baş konsulu Taliya Lador mayın 22-nə keçən gecə Münxendəki missiyaya hücum edildiyini açıqlayıb.

“Report” xəbər verir ki, bu barədə “Süddeutsche Zeitung” qəzeti məlumat yayıb.

“Bu gün İsrailin Münxendəki Baş Konsulluğuna hücum edilib. Bu, Almaniyanın cənubunda İsrail Dövlətinin rəmzinə hücumdur. Münxen polisinə sayıqlığına görə təşəkkür etmək istərdik. Son bir neçə ay ərzində bu cür hallar təkrar-təkrar baş verir”, - diplomat söyləyib.

Nəşr əlavə olaraq yazıb ki, konsulluğun ərazisinə butulka atılıb və onun içərisində yandırıcı qarışıq tapılıb.

Polis hadisə ilə bağlı araşdırmalara başlayıb.