İsrailin müdafiə naziri: Kim bizə hücum etməyə cəsarət etsə, əvəzini ağır ödəyəcək

“İsrail özünü müdafiə etməyə və yaranacaq təhdidlər cavab vermək üçün cəld hərəkət etməyə yaxşı hazırdır”.

“Report” xəbər verir ki, bu sözləri İsrailin müdafiə naziri Yoav Qalant deyib.

Onun sözlərinə görə, İsrail ordusunun həm yerdə, həm də havada istənilən səviyyədə təhlükələrə cavab verməsi üçün hazırlıq səviyyəsi yüksəkdir:

“Kim bizə hücum etməyə cəsarət etsə, bunun əvəzini ağır ödəyəcək”.

Qeyd edək ki, İranın Ali Rəhbəri Əli Xamenei Fələstinin HƏMAS hərəkatının Siyasi Bürosunun rəisi İsmayıl Həniyənin Tehranda öldürülməsinə cavab olaraq İsrailə birbaşa zərbələr endirmək əmri verib.