İsrail Qəzzanın mərkəzində humanitar fasilə elan edib

İsrail ordusu Qəzza zolağının mərkəzində yerli əhaliyə kömək etmək üçün yeni dörd saatlıq humanitar fasilə elan edib.

“Report”un xəbərinə görə, bu barədə İsrail hökumətinin Fələstin Ərazilərindəki Fəaliyyətlərinin Əlaqələndirilməsi Ofisi “X” sosial şəbəkəsindəki səhifəsində məlumat yayıb.

“İsrail Müdafiə Ordusu humanitar səbəblərdən mülki əhalinin ərzaq və su ehtiyatlarını artırmasına imkan vermək üçün humanitar fasilələr həyata keçirir”, - qeyd edilib.