İsrail öz təhlükəsizliyi naminə İranda hərbi həll yolunu istisna etmir

İsrail hakimiyyəti ölkənin təhlükəsizliyi naminə istənilən vaxt İranın nüvə proqramı ilə bağlı məsələnin güc yolu ilə həllini istisna etmir.

“Report” xəbər verir ki, bu barədə İsrail baş nazirinin ofisinin müşaviri Dmitri Gendelman məlumat verib.

“İsrail tərəfi olmadığı müqavilələrlə bağlı deyil və öz təhlükəsizliyi üçün istənilən vaxt və istənilən yerdə hərəkət edəcək”, - deyə o əlavə edib.

“ABC News” öz mənbələrinə istinadən xəbər verir ki, İsrail yaxın günlərdə İrana hərbi zərbə endirə bilər. Onların sözlərinə görə, qərar hələlik yekun qəbul edilməyib, lakin regionda gərginliyin artması fonunda belə bir variant aktiv şəkildə müzakirə olunur.