İsrail Livanın şimal-şərqində "Hizbullah"ın obyektlərinə zərbələr endirir

İsrail Müdafiə Ordusu Livanın şimal-şərqində Bekaa vadisində "Hizbullah" qruplaşmasının obyektlərinə zərbələr endirir.

"Report" xəbər verir ki, bu barədə Ordunun mətbuat xidməti məlumat yayıb.

Müdafiə Ordusundan bildirilib ki, hədəflər arasında döyüşçülərin və silah anbarlarının yerləşdiyi "Radvan" bölməsinə məxsus hərbi obyektlər var.

Mətbuat xidmətindən əlavə edilib ki, obyektlərdə saxlanılan silahlar, eləcə də "Hizbullah"ın fəaliyyəti İsrail və Livan arasında əldə edilmiş razılaşmaları pozur.