İspaniyada yeddi ton kokaini müsadirə edilib

İspaniyada fermada yerin altında gizlədilən konteynerlərdə 7 ton kokain aşkarlanıb.

“Report” bu barədə xarici KİV-ə istinadən xəbər verir.

Qeyd edilir ki, əməliyyat Quadalquivir çayının mənsəbində iki şübhəli qayığın göründüyü zaman başlayıb.

Hüquq-mühafizə orqanları qayıqları İspaniyanın Coria del Rio bölgəsindəki fermaya qədər izləyib, şübhəlilər narkotikləri iki yeraltı konteynerdə gizlədiblər.

Əməliyyat zamanı narkotik qaçaqmalçılığında şübhəli bilinən 3 nəfər saxlanılıb, üç odlu silah və oğurlanmış iki avtomobil götürülüb.