İndoneziyada koronavirusa yoluxanların sayı 43 mini keçdi

İndoneziyada son sutka ərində 1 041 nəfər yeni növ koronavirusa yoluxub.

“Report” “RİA Novosti”yə istinadən xəbər verir ki, bu barədə ölkənin Səhiyyə Nazirliyi məlumat yayıb.

Məlumata görə, bununla ölkədə yoluxma hallarının ümumi sayı 43 803-ə çatıb.

Eyni zamanda son bir gündə ölkədə 34 ölüm hadisəsi qeydə alınıb və ölənlərin ümumi sayı 2 337-yə çatıb.

Pandemiya başlayandan bu yana İndoneziyada 17 mindən çox koronavirus xəstəsi sağalıb.