Bakı. 28 yanvar. REPORT.AZ/ İndoneziyada bu ilin əvvəlindən yayılmağa başlayan denqe qızdırmasından 100-dən çox adam ölüb.
"Report" TASS-a istinadən xəbər verir ki, ən çox ölüm halı əhalinin ən sıx məskunlaşdığı Şərqi Yava vilayətində qeydə alınıb.
Yerli KİV güclü yağışların denqe qızdırmasının əsas daşıyıcıları olan ağcaqanadların populyasiyasını artırdığını yazır. Proqnozlara görə, əlverişsiz epidemioloji vəziyyət hələ iki ay davam edəcək.