İsrail ordusu Hizbullahın mövqelərinə hava zərbələri endirib - YENİLƏNİB

İsrail ordusu ölkənin şimalına hücumlarına cavab olaraq Livanda Hizbullahın bir sıra obyektlərinə hava zərbələri endirib.

“Report” xəbər verir ki, bu barədə İsrail Müdafiə Ordusu məlumat yayıb.

Bildirilib ki, Ayta əş-Şəb, Yaroun və Ramyahda bölgələrində Hizbullahın raket buraxılış məntəqələri, hərbi obyektləri və qruplaşmanın istifadə etdiyi digər infrastrukturlar vurulub.

Hazırda əməliyyat davam edir.

Livanın cənubunda yerləşən Hizbullah qruplaşması bu gün səhər saatlarında İsrail ərazisinə 40-a yaxın raket atıb.

“Report” xarici KİV-ə istinadən xəbər verir ki, İsrail ordusu cavab tədbirləri görür.

İsrail qruplaşmanın hədəflərinə zərbələr endirir.

Qeyd edək ki, İsraillə HƏMAS arasında müharibə 2023-cü il oktyabrın 7-də başlayıb.