“Hizbullah” lideri bir neçə PUA-nın İsraildəki hədəfləri vurduğunu bildirib

Livanın “Hizbullah” hərəkatının buraxdığı bir neçə pilotsuz uçuş aparatı İsraildəki hədəfləri vurub.

“Report” xəbər verir ki, bu bəyanatla hərəkatın lideri Həsən Nəsrullah çıxış edib.

“Əməliyyatımız iki mərhələdən ibarət idi: birincidə eyni vaxtda 300-ə yaxın raket atdıq, ikincisində isə pilotsuz uçuş aparatları buraxdıq. Nəticədə biz İsrailin “Dəmir günbəz” hava hücumundan müdafiə sistemini yayındıra bildik və əldə etdiyimiz məlumata görə, bir neçə PUA hədəflərinə çatıb”, - deyə Nəsrullah bildirib.

O, əlavə edib ki, “Hizbullah” avqustun 25-də öz mülahizələrinə əsaslanaraq, digər müttəfiqlərindən ayrı hərəkət etmək qərarına gəlib və bunun səbəbi daha sonra açıqlanacaq.