İsrail XİN rəhbəri HƏMAS liderinin öldürüldüyünü təsdiq edib - YENİLƏNİB

İsrailin xarici işlər naziri İsrael Katz Fələstinin HƏMAS hərəkatının Siyasi Bürosunun rəhbəri Yəhya Sinvarın İsrail əsgərləri tərəfindən öldürüldüyünü təsdiqləyib.

“Report” bu barədə N12 telekanalına istinadən xəbər verir.

“7 oktyabr 2023-cü il hücumlarında məsuliyyət daşıyan Sinvar İsrail ordusu əsgərləri tərəfindən öldürülüb”, - məlumatda deyilir.

17:56

Fələstinin HƏMAS hərəkatının rəhbəri Yəhya Sinvar Qəzza zolağında öldürülüb.

"Report" xəbər verir ki, bu barədə "Kan" dövlət teleradio şirkəti məlumat yayıb.

“Təhlükəsizlik sistemindəki mənbə bu gün HƏMAS lideri Yəhya Sinvarın öldürüldüyünü bildirib”, – məlumatda qeyd olunub.