Yuxarı

​"Fukusima-1" AES-də radioaktiv suyun sızması baş verib

Sızma altıncı reaktorun soyutma sistemindəki boruların birində qeydə alınıb

Bakı. 18 fevral. REPORT.AZ/ Yaponiyanın qəzalı "Fukusima-1" stansiyasında radioaktiv suyun sızması baş verib.

"Report" "TASS"a istinadən xəbər verir ki, bu barədə stansiyanın operatoru "Tokio elektrik pauer" (TEPKO) şirkəti məlumat verib.

Şirkətin məlumatına əsasən, sızma altıncı reaktorun soyutma sistemindəki boruların birində qeydə alınıb. Hazırda təmir işlərinin aparılması üçün soyutma qurğusunun işi dayandırılıb. 

Sistemin təxminən bir sutkadan sonra işə salınacağı gözlənilir. Bu müddətdə hovuzdakı temperatur 17-dən 23 C qədər arta bilər. Temperaturun 65 dərəcəyə qədər yüksəlməsi yol verilən hesab olunur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi