Bakı. 24 may. REPORT.AZ/ Fransa polisi bu gün "Google" şirkətinin Parisdəki qərargahında axtarış həyata keçirir.
"Report" "RİA Novosti"yə istinadən xəbər verir ki, axtarışlar vergidən yayınma halları üzrə aparılır.
"Əməliyyat maksimum dərəcədə məxfilik şəraitində həyata keçirilir", - deyə mənbə bildirib.
Qeyd edək ki, fevralın sonunda Fransa KİV-də hökumətin "Google" şirkətindən 1,6 milyard avro məbləğində vergidən yayınmaq halı üzrə şübhələnməsi ilə bağlı məlumat yayılmışdı.