Ermənistanda onlarla etirazçı saxlanılıb

Ermənistanın paytaxtı Yerevanda dövlət müstəqilliyinin otuzuncu ildönümü münasibətilə keçirilən tədbirlərə etiraz olaraq mitinq təşkil olunub.

"Report" Ermənistan mətbuatına istinadən xəbər verir ki, mitinq polis tərəfindən dağıdılıb.

Etirazlarda iştirak edən 20-dən çox insan saxlanılıb.

Qeyd edək ki, aksiyalar zamanı etirazçılarla polis arasında toqquşma baş verib.

17:10

Bu gün Ermənistanın paytaxtı Yerevanda dövlət müstəqilliyinin otuzuncu ildönümü münasibətilə tədbir keçirilib.

"Report" "RİA Novosti"yə istinadən xəbər verir ki, hakimiyyətin bayram tədbirlərinə etiraz edənlər olub.

Nəticədə etirazçılarla polis arasında toqquşma baş verib. Saxlanılanların olduğu bildirilir.