​Əfqanıstanda sərnişin avtobusunun çaya düşməsi nəticəsində 11 nəfər ölüb

Bakı. 31 iyul. REPORT.AZ/ Əfqanıstanda ağır yol qəzası baş verib.

"Report"un məlumatına görə, bu barədə "Pajhwok" agentliyi hakimiyyət orqanlarına istinadən xəbər yayıb.

Agentliyin məlumatına görə, hadisə ölkənin şimal-şərqində baş verib. Baharak-Feyzabad istiqamətində hərəkət edən sərnişin avtobusunun Kokça çayına düşməsi nəticəsində 11 nəfər həyatını itirib.

Qəza nəticəsində 12 nəfər sağ qala bilib.