Dünyanın ən yaşlı kişi sakini dünyasını dəyişib

Bakı. 19 yanvar. REPORT.AZ/ Yaponiyada planetin ən yaşlı kişi sakini sayılan 112 yaşlı Yasutaro Koide ölüb. "Report" TASS-a istinadən xəbər verir ki, bu barədə onun müalicə aldığı Naqoya şəhər xəstəxanasından məlumat veriblər.

Ölümün səbəbi xroniki ürək çatışmazlığı olub.

Qeyd edək ki, Y.Koide 1903-cü il martın 13-də Fukui prefekturasının Tsuruqa şəhərində anadan olub. O, Naqoyaya 107 yaşında ikən köçüb. Demək olar, olümünə qədər onun sağlamlığıyla əlaqədar heç bir ciddi problemi olmayıb və o, eynəksiz oxumağı bacarıb.