Donald Tramp təhlükəsiz telefondan istifadədən imtina edib

Bakı. 27 yanvar. REPORT.AZ/ ABŞ prezidenti Donald Tramp şəxsi smartfonundan imtina etməyib və "Samsung Galaxy" modelli cib telefonunu işlətməyə davam edəcək.

Bu barədə "Report" "The New York Times" nəşrinə istinadən xəbər verir.

Hərçənd andiçmə mərasimindən sonra ABŞ prezidentinə "Android" tipli smartfonunu Gizli Xidməti tərəfindən təsdiq edilmiş təhlükəsiz telefonla dəyişdirmək tövsiyə edilib. Lakin o, bu təklifdən imtina edərək köhnə, müdafiəsiz "Android" smarfonunu işlətməkdə davam edir.

Xatırladaq ki, D.Trampın sələfi Barak Obama prezidentliyi dövründə funksiyaların çoxu bloklanmış, modifikasiya edilmiş "BlackBerry" telefonundan istifadə edib.