11 gündən sonra Dəməşq aeroportundan ilk uçuş həyata keçirilib

Dəməşq Beynəlxalq Hava Limanından 11 gündən sonra ilk sərnişin təyyarəsi uçub.

“Report” xəbər verir ki, bu barədə TASS-a dispetçer xidmətindən məlumat verilib.

"Suriya Hava Yolları” milli aviadaşıyıcısının Hələbə uçuşu həyata keçirilib", - agentliyin həmsöhbəti deyib.

Daha əvvəl bildirilmişdi ki, Dəməşq beynəlxalq hava limanının xüsusi icazə ilə təyyarələrin qəbulu və uçuşu üzrə fəaliyyəti 24 dekabr axşamına qədər uzadılıb. Hazırda dispetçerlərin yaydığı NOTAM məlumatına əsasən, bu cür məhdudiyyət qüvvədə qalır. Hələb hava limanı hələ də eyni rejimdə işləyir.