CNN Rusiyada yayımını dayandırır

Bakı. 30 dekabr. REPORT.AZ / ABŞ-ın CNN televiziya kanalı dekabrın 31-dən Rusiyada yayımını dayandırır.

"Report"-un xəbərinə görə, bununla belə CNN-nin Moskva bürosunun informasiya xidmətinin işini davam etdirəcəyi bildirilir.

Xatırladaq ki, CNN telekanalının sahibi olan Turner Broadcasting System International (TBS) şirkətinin nümayəndələri hələ noyabrda kanalın Rusiyada yayımı dayandıracağını bəyan etmişdi.

Qeyd edək ki, 212 ölkədə yayımlanan CNN tamaşaçı auditoriyasına görə, Avropa, Yaxın Şərq, Afrika və Cənubi Amerikada lider kanaldır.