Çinin şimalında qocalar evində yanğın nəticəsində onlarla insan ölüb

Çinin şimalında yerləşən Hebey əyalətində qocalar evində baş vermiş yanğın nəticəsində azı 20 nəfər ölüb.

“Report” xəbər verir ki, bu barədə “Xinhua” agentliyi yerli hakimiyyət orqanlarına istinadən məlumat yayıb.

Bildirilib ki, yanğın aprelin 8-də axşam Çende şəhərinin Lonğua dairəsində baş verib. Yerli vaxtla çərşənbə günü saat 03:00-a olan məlumata görə, ümumilikdə 20 nəfərin ölməsi təsdiqlənib.

Yanğının səbəbləri araşdırılır.