Çində vertolyot qəzaya uğrayıb: xəsarət alanlar var

Bakı. 21 yanvar. REPORT.AZ/ Çinin şərqində vertolyot qəzaya uğrayıb.

"Report"un məlumatına görə, bu barədə "Dunfanvan" saytı xəbər verib.

Məlumata görə, hadisə Fuçzyan vilayətinin Çyuanqan şəhərinin Çzeşan kəndində qeydə alınıb.

Hadisə zamanı 3 nəfər xəsarət alıb. Şahidlər bildiriblər ki, onlar partlayış səsi eşidiblər. Daha sonra tüstü görüblər.

Qəzanın baş verdiyi ərazi polis tərəfindən əhatəyə alınıb. Əraziyə yanğınsöndürənlər və xilasedicilər gəlib.

Hadisənin başvermə səbəbləri hələlik məlum deyil. Araşdırma aparılır.