Cənubi Koreyada daşqınlar nəticəsində dörd nəfər həlak olub, 5 mindən çox insan təxliyə edilib

Cənubi Koreyaya yağan güclü yağışlar nəticəsində dörd nəfər həlak olub.

"Report"un məlumatına görə, bu barədə "Yonhap" agentliyi xəbər verir.

Agentliyin məlumatına görə, güclü yağışlar dörd nəfərin ölümünə səbəb olub, daha bir nəfər itkin düşüb, 5 mindən çox insan təxliyə edilib.

Ən çox ölüm halı Çxunçxon-Namdo əyalətində qeydə alınıb. Cümə günü səhər saatlarında 13 şəhər və əyalətdən 5 min 192 nəfər evlərindən təxliyə edilib.

Cənubi Koreya hökuməti təbii fəlakətə tam miqyaslı cavab vermək üçün müvafiq nazirlik və qurumları səfərbər edib.