Burkina-Fasoda partlayış nəticəsində dörd əsgər həlak olub

Burkina-Fasonun şimalında silahlılar tərəfindən yola kustar üsulla hazırlanmış bomba qoyulması nəticəsində 4 əsgər həlak olub.

"Report" "Lefaso" xəbər portalına istinadən xəbər verir ki, bu barədə ölkənin Baş Qərargahı məlumat yayıb.

Daha bir əsgər yaralanıb və onlara tibbi yardım göstərilib.

Baş Qərargah törədilən terror aktına görə məsuliyyət daşıyanların adlarını açıqlamayıb.