Britaniya baş nazirinin reytinqi iğtişaşlar fonunda xeyli aşağı düşüb

Böyük Britaniyanın baş naziri Keir Starmerin reytinqi 26 faiz aşağı düşüb.

"Report" xəbər verir ki, bunu "Opinium" analitik agentliyinin keçirdiyi sorğunun nəticələri sübut edir.

Məlumata görə, Starmerin reytinqi hazırda -7 % təşkil edir, baxmayaraq ki, seçkidən sonra ilk sorğuda +19 % olub.

Qeyd olunur ki, göstəricinin azalması iyulun 29-da İngiltərənin Sautport şəhərində 17 yaşlı yeniyetmə tərəfindən törədilən qətliam fonunda bütün ölkədə baş verən antimiqrant iğtişaşlar fonunda baş verib.

"Opinium"un sorğusu avqustun 14-16-da keçirilib və təxminən 2 min nəfəri əhatə edib.

Son seçkidə Leyboristlər Partiyası 650 yerlik İcmalar Palatasında (parlamentin aşağı palatası) 412 yer qazanmışdı. 2010-cu ildən hakimiyyətdə olan Mühafizəkarlar Partiyasının parlamentdə cəmi 121 deputatı var.