BMT Baş katibinin Rusiya Prezidenti ilə görüşü planlaşdırılır

“BMT Baş katibi Antoniu Quterreş Rusiya ilə Ukrayna arasında davam edən gərginliyi müzakirə etmək üçün Pekində Rusiya Prezidenti Vladimir Putinlə görüşə bilər”.

“Report”un yerli bürosu xəbər verir ki, bu barədə BMT-nin sözçüsü Eri Kaneko keçirdiyi mətbuat konfransında deyib.

E.Kaneko vurğulayıb ki, baş katib Çin rəhbərliyi ilə görüşəcək. “Qarşıdan gələn günlərdə bütün liderlərin iştirak etdiyi nahar olacaq və ümid edirik ki, A.Quterreş bu məsələ ilə bağlı orada görüşlər keçirəcək”, - o vurğulayıb.