BMT Baş katibi: “Kaxovka SES-in bəndinin dağıdılması Zaporojye AES üçün təhlükədir”

“Kaxovka su elektrik stansiyasının bəndinin dağıdılması onsuz da çətin vəziyyətdə olan Avropanın ən böyük atom elektrik stansiyası – Zaporojye AES üçün əlavə təhlükə yaradır”.

“Report” TASS-a istinadən xəbər verir ki, bunu BMT-nin Baş katibi Antoniu Quterriş jurnalistlərə açıqlamasında deyib.

O əlavə edib ki, Kaxovka SES-in bəndinin dağıdılması nəticəsində azı 16 min insan evini itirib.