Bayden növbəti həftələrdə prezidentliyə ikinci müddətə namizədliyini açıqlayacaq

ABŞ Prezidenti Cozef Bayden yaxın həftələrdə 2024-cü ildə yenidən seçilmək üçün yekun qərarını verdiyini elan etməyi planlaşdırır.

"Report" xəbər verir ki, bu barədə "The Hill" nəşri məlumat yayıb.

"Çox güman ki, prezident bunu fevralda açıqlayacaq", - nəşrdə qeyd olunur.

Eyni zamanda, prezidentin müşavirləri artıq Baydenin gələcək seçki kampaniyası ilə bağlı rəqəmsal materialların hazırlanması ilə bağlı görüşlər keçirirlər.

Qeyd edək ki, Bayden 2020-ci ildə ilk dəfə ABŞ prezidentİ seçilib.