​Obama Fələstinin Beynəlxalq Cinayət Məhkəməsinə qoşulmasına mənfi yanaşır

Bakı. 13 yanvar. REPORT.AZ/ ABŞ prezidenti Barak Obama Fələstinin Beynəlxalq Cinayət Məhkəməsinə qoşulmasına mənfi yanaşdığını bildirib.

"Report" xəbər verir ki, bu barədə Ağ evin rəsmi saytında məlumat verilir.

Obama bunu İsrailin baş naziri Binyamin Netanyahu ilə telefon söhbəti zamanı bildirib.

"Prezident Obama ABŞ-ın Fələstinin hələ ki, dövlət olmaması və bu səbəbdən Roma statutuna qoşulmaq hüququnun olmaması mövqeyindən çıxış etdiyini təsdiqləyib. Obama qeyd edib ki, Birləşmiş Ştatlar Fələstinin Beynəlxalq Cinayət Məhkəməsinə qoşulmasını qeyri-konstruktiv addım hesab edir", - deyə məlumatda bildirilir.

Bundan əvvəl, Fələstinin aprelin 1-də Beynəlxalq Cinayət Məhkəməsinə qoşulacağı məlum olub.