Bağdadda tibb laboratoriyası binası uçub, ölən var

İraqın Xilasetmə Xidməti bazar günü paytaxt Bağdadın mərkəzində milli tibbi laboratoriyanın çökmüş binasının dağıntıları altında bir nəfərin meyitini aşkarlayıb.

"Report" xəbər verir ki, bu barədə "Shafaq News" informasiya portalı məlumat yayıb.

Məlumata görə, axtarış-xilasetmə əməliyyatı davam edir.

Son məlumatda qeyd edilir ki, dağıntılar altından 13 nəfər xilas olunub. Hadisənin başvermə səbəbləri açıqlanmır.