​Aşqabadda anomal istilər müşahidə edilir

Bakı. 1 iyul. REPORT.AZ/ Aşqabadda müşahidə olunan anomal istilər bütün rekordları qırıb.

"Report"un "RİA Novosti"yə istinadən verdiyi xəbərə görə, iyunun 30-da Türkmənistan paytaxtında bu ay üçün meteoroloji müşahidələrin tarixində ilk dəfə olaraq 47,2 dərəcə isti qeydə alınıb.

Meteoroloji müşahidələr Aşqabadda 1891-ci ildən aparılır.

Ümumilikdə, 2015-ci ilin iyun ayı son 124 ildə Aşqabadda ən isti ay olub. Orta aylıq temperatur iqlim normasını 4 dərəcəyədək üstələyib.

Ötən ay ərzində 8 rekord müəyyən olunub, 16 gündə isə kölgədə 40 dərəcədən yuxarı isti qeydə alınıb.

Bununla belə, Türkmənistanda ən isti ay iyun yox, iyul sayılır.