ABŞ Venesuela ilə neft hasilatı sazişini ləğv edəcək

ABŞ martın 1-dən Venesuela ilə neft hasilatı üzrə sazişi ləğv edəcək.

“Report” xəbər verir ki, bu barədə ABŞ Prezidenti Donald Tramp “Truth Social” sosial şəbəkəsində məlumat verib.

Onun sözlərinə görə, bu qərar Venesuelanın sazişin şərtlərini yerinə yetirməməsi ilə bağlıdır.

“Biz korrupsioner Cozef Baydenin 26 noyabr 2022-ci il tarixində neft razılaşmaları çərçivəsində Nikolas Maduroya verdiyi güzəştləri ləğv edirik”, – Tramp yazıb.

ABŞ Prezidenti əlavə edib ki, sazişin ləğvi təkcə neft müqaviləsinin şərtlərinin pozulması ilə deyil, həm də Karakasın ABŞ-yə göndərdiyi miqrantların geri qaytarılması ilə bağlı öhdəliklərini yerinə yetirməməsi ilə əlaqədardır.