ABŞ "SpaceX" ilə bağlı araşdırmaya başlaya bilər

ABŞ Konqresinin Nümayəndələr Palatasının üç üzvü İlon Maskın həmtəsisçisi və rəhbəri olduğu “SpaceX” şirkəti ilə bağlı araşdırmaya başlamaq zərurətini açıqlayıb.

"Report"un "Kommersant"a istinadən verdiyi xəbərə görə, araşdırma tələbi "SpaceX"in obyektlərində aşkarlanan istehsalat xəsarətləri ilə bağlı açıqlanan rəqəmlərdən sonra irəli sürülüb.

Agentliyin məlumatına görə, 2014-cü ildən indiyədək tikinti sahələrində, montaj zavodlarında və "SpaceX"in digər obyektlərində ümumilikdə 600-ə yaxın işçi xəsarət alıb və insidentlərdən biri işçinin ölümü ilə nəticələnib.

Kaliforniya və Nyu-Cersi ştatlarını təmsil edən demokrat konqresmenlər bu məlumatların ciddi narahatlıq doğurduğunu əsas gətiriblər.