ABŞ Konqresi borc həddinin artırılması barədə qanunu qəbul edib

ABŞ Konqresinin Nümayəndələr Palatası ölkənin dövlət borcunun yuxarı həddinin 480 milyard dollar artırılmasına dair qanun layihəsini qəbul edib.

“Report” xəbər verir ki, müvafiq qanun layihəsi imzalanmaq üçün ABŞ Prezidenti Co Baydenə göndəriləcək.

Dövlət borcunun yuxarı həddinin 480 milyard dollar artırılması dövlətin xərclərini dekabrın 3-dək ödəməyə imkan verəcək.

Bununla da, ABŞ-ın dövlət borcunun limiti 28,9 trilyon dollara çatacaq.