ABŞ-ın Sərhəd Xidmətinin rəhbəri istefa verib

Bakı. 26 yanvar. REPORT.AZ/ ABŞ-ın Sərhəd Xidmətinin rəisi Mark Morqan öz postunu tərk edib.

"Report" xəbər verir ki, bu barədə "Associated Press" məlumat yayıb.

Morqanın bu vəzifəni könüllü və ya məcburi tərk etdiyi məlum deyil.

Onun istefası ABŞ prezidenti Donald Trampın sərhəddə mühafizənin gücləndirilməsi, xüsusilə də, Meksika ilə sərhəddə divarın tikintisinə dair işlərin başlanması haqqında fərmanından bir həftə sonra baş verib.