ABŞ, Hindistan, Yaponiya və Avstraliya liderləri danışıqlar aparacaqlar

ABŞ, Hindistan, Yaponiya və Avstraliya liderləri martın 12-də videokonfrans formatında danışıqlar aparacaqlar.

“Report” xəbər verir ki, bu barədə Ağ Evin mətbuat katibi Cen Psaki ənənəvi brifinqdə bildirib.

"Cümə günü səhər president (ABŞ rəhbəri Cozef Bayden-red) virtual formatda "dördlük" (təhlükəsizlik üzrə dördtərəfli dialoq formatı – red) üzrə həmkarları - Yaponiyanın baş naziri (Yosihide) Suqo, Hindistanın baş naziri (Narendro) Modi və Avstraliyanın baş naziri (Skot) Morrisonla" ilə görüşəcək", - o deyib.

"Dördlük”" yaranması anından işçi səviyyədə və Xarici İşlər Nazirliklərinin başçıları səviyyəsində daim görüşlər keçirir. Cümə günü danışıqları liderlər (dörd ölkə) səviyyəsində birinci görüş olacaq", - Psaki əlavə edib.

Onun sözlərinə görə, danışıqların iştirakçıları gözlənildiyi kimi, bir sıra - iqlim dəyişikliyi ilə mübarizə, pandemiya, iqtisadi əməkdaşlıq kimi məsələlərin geniş spektrini müzakirə edəcəklər.