ABŞ dövlət katibi Moskvaya səfər edib

Bakı. 11 aprel. REPORT.AZ/ ABŞ dövlət katibi Reks Tillerson Moskvaya səfər edib.

"Report" xəbər verir ki, dövlət katibi İtaliyada G-7 ölkələri XİN başçılarının görüşündən sonra Rusiyaya gəlib.

Rusiyanın xarici işlər naziri Sergey Lavrov ilə R.Tillerson arasında aparılacaq danışıqlar çərçivəsində beynəlxalq təhlükəsizlik sahəsində aktual məsələlərin müzakirəsi nəzərdə tutulur.

Bu, Reks Tillersonun ABŞ dövlət katibi vəzifəsində Rusiyaya ilk səfəridir.

Səfər aprelin 12-də başa çatacaq.