ABŞ-da yaşayış binası uçub, xəsarət alanlar var

ABŞ-ın Corciya ştatının De-Kalb dairəsində yaşayış kompleksi partlayışdan sonra qismən uçub, bu səbəbdən bir neçə nəfər xəsarət alıb.

“Report” xəbər verir ki, bu barədə polisə istinadən yerli “WSB-TV 2” telekanalı bildirib.

Çağırışla hadisə yerinə gələn polislər qaz qoxusunu qeydə alıblar. Asayiş keşikçiləri bundan sonra ev sakinlərinin təxliyəsinə başlayıblar.

Polisin sözlərinə görə, hadisə zamanı iki nəfər yanıq xəsarətləri alıb, təxminən bu sayda insan itkin düşüb. Zərərçəkənlər xəstəxanaya yerləşdirilib.

Partlayışın gücündən qonşu binalara da ziyan dəyib.

If y’all know Anyone who lives at Arrive Perimeter apartments check on them
A gas line blew up at the entrance and several people are trapped inside of the building pic.twitter.com/UFja2G2Hiw

— D A D D Y (@shoutout2dekaye) September 12, 2021