ABŞ-da növbəti atışma olub, ölənlər və yaralananlar var

ABŞ-da daha bir atışma olub.

“Report” xəbər verir ki, bu barədə “Fox News” telekanalı bildirib.

Məlumata görə, hadisə Kivlenddə (Ohayo ştatı-red) olub. Belə ki, naməlum şəxs insanlara atəş açıb. Nəticədə 3 nəfər həlak olub, daha 4 nəfər xəsarət alıb.

Qeyd edilir ki, atışma zamanı xəsarət almış 1 nəfər hadisə yerində ölüb. Digər 6 yaralı isə xəstəxanaya çatdırılıb. Lakin həkimlər onlardan ikisinin həyatını xilas edə bilməyiblər.

Hadisənin digər təfərrüatları açıqlanmır.