ABŞ-da atışmada 2 nəfər ölüb, 13 nəfər yaralanıb

ABŞ-ın Riçmond şəhərində Virciniya Birlik Universitetinin kampusunda baş verən atışma nəticəsində azı 2 nəfər ölüb, 13 nəfər yaralanıb.

"Report" xəbər verir ki, bu barədə ABC 8 telekanalı məlumat yayıb.

Hadisə şahidlərinin sözlərinə görə, orta məktəbin buraxılış mərasiminin keçirildiyi “Altriya” teatrının yaxınlığında 30-a yaxın atəş açılıb. Hadisə ilə bağlı bir nəfər saxlanılıb, şübhəlilər haqqında məlumat və atışmanın səbəbləri açıqlanmır.