Yuxarı
    Bağlamaq

    ABŞ Cənubi Koreyaya 12 “F-16” qırıcı göndərir

    Təyyarə və hərbçilər 4 ay ərzində Seuldan 180 km aralı Kunsan aviabazasında yerləşdiriləcək© Tass.ru

    Bakı. 1 avqust. REPORT.AZ/ ABŞ Şimali Koreyanın qitələrarası ballistik raket buraxmasına cavab olaraq Cənubi Koreyaya 12 “F-16” qırıcı göndərəcək.

    “Report” TASS-a istinadən xəbər verir ki, bu barədə avqustun 1-də ABŞ Hərbi Hava Qüvvələrinin Sakit Okean üzrə Komandanlığı bildirib.

    Təyyarələr və Viskoni ştatında dislokasiya olunan 176-cı qırıcı eskadriliyasının 200-ə yaxın hərbçisi avqustdan başlayaraq 4 ay ərzində Seuldan 180 km aralı Kunsan aviabazasında yerləşdiriləcək.

    Qeyd edək ki, bir müddət əvvəl Şimali Koreya qitələrarası “Xvason-14” adlı ballistik raketi uğurla sınaqdan çıxardığı haqqında məlumat yayılıb. Raket 681 km yüksəkliyə qalxaraq 732 km məsafə qət etdikdən sonra Yapon dənizinə düşüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi