ABŞ Almaniyada Ukrayna hərbçilərinə təlim keçir

“ABŞ Almaniyada Ukrayna Silahlı Qüvvələrinin briqadası üçün təlimlər keçir, Fransa ilə daha bir yeni briqadanın təlimlərə cəlb edilməsi ilə bağlı danışıqlar aparılır”.

“Report” xəbər verir ki, bunu Ukrayna Prezidenti Volodimir Zelenski bəyan edib.

Onun sözlərinə görə, Kiyev Skandinaviya və Baltikyanı ölkələrdən Ukrayna ordusunun daha bir briqadasının hazırlanması üçün kömək istəyib:

“Fransa tərəfdən müsbət rəy aldıq, indi yeni briqadanın cəlb edilməsi ilə bağlı danışacağıq. Biz alman tərəfdən də müsbət rəy almışıq, düzünü desək, amerikalılar bizim briqadamızı alman torpağında hazırlayırlar, bu da onların töhfəsidir. Düzünü desəm, bu kifayət deyil, amma buna baxmayaraq, biz buna minnətdarıq”.