ABŞ administrasiyası Konqresdən İsrailə 45 min mərmi satışına icazə istəyib

ABŞ Prezidenti Cozef Baydenin administrasiyası Konqresdən İsrailə “Merkava” əsas döyüş tankları üçün 45 min mərmi satışına icazə verilməsini istəyib.

"Report"un məlumatına görə, bu barədə "Reuters" mənbələrə istinadən məlumat yayıb.

Onların sözlərinə görə, Ağ Ev hesab edir ki, İsrailin Qəzza zolağında quru əməliyyatını uğurla həyata keçirməsi üçün indi əlavə döyüş sursatı lazımdır.

Xatırladaq ki, İsrail ərazisinə raket hücumları oktyabrın 7-də səhər tezdən Qəzza zolağından başlayıb. İsrail ordusu buna cavab olaraq “müharibə hazırlığı” elan edib. Oktyabrın 8-də İsrail rəsmi olaraq ölkənin “müharibə vəziyyətinə” daxil olduğunu açıqlayıb. Əməliyyat “Dəmir qılınclar” adlanır.