Komitə sədri: "Azərbaycana qarşı hibrid müharibədə türk dünyasının birliyi vacibdir"

"Bu gün Azərbaycana qarşı müxtəlif dövlətlər və xaricdə fəaliyyət göstərən şəxslər tərəfindən hibrid müharibə həyata keçirilir".

"Report" xəbər verir ki, bunu Bakıda “Türk Dövlətlərinin Diaspor Gənclərinin I Forumu: Heydər Əliyev və Türk Dünyası” adlı tədbirdə Diasporla İş üzrə Dövlət Komitəsinin sədri Fuad Muradov deyib.

O qeyd edib ki, bu fonda türk dünyasının birliyi vacibdir:

"Azərbaycan həmişə həmin qüvvələrə lazımi cavabı verib. Ancaq türk dünyasının da birliyi vacibdir. Bu baxımdan, son dörd ildə biz bir neçə türk dövləti, xüsusilə, Türkiyə və Qazaxıstanla birlikdə türk diasporunun inkişafı istiqamətində tədbirlər keçirmişik".