Samir Rzayev “Azərbaycan Hava Yolları” Qapalı Səhmdar Cəmiyyətinin prezidenti təyin edilib

Samir Musa oğlu Rzayev “Azərbaycan Hava Yolları” (AZAL) QSC-nin prezidenti təyin edilib.

"Report" xəbər verir ki, Prezident İlham Əliyev bununla bağlı sərəncam imzalayıb.

Dövlət başçısının digər sərəncamı ilə Samir Rzayev səhmdar cəmiyyətinin birinci vitse-prezidenti vəzifəsindən azad edilib.

Samir Rzayev

Xatırladaq ki, S.Rzayev 2007-2009-cu illərdə "PAŞA İnşaat" MMC-də kommersiya direktoru, 2009-2017-ci illərdə İpoteka və Kredit Zəmanət Fondunda Baş Maliyyə Direktoru, 2017-2022-ci illərdə "Bravo" supermarketlər şəbəkəsini idarə edən "Azərbaycan Supermarket" MMC-də ticarət direktoru vəzifəsində, 2022-ci ilin fevral ayından noyabr ayına qədər AZAL-da vitse prezident, 2022-ci ilin noyabr ayından 2023-cü ilin sentyabr ayına qədər birinci vitse-prezident işləyib, 2023-cü ilin sentyabr ayından isə AZAL-da prezident vəzifəsini müvəqqəti icra edib.