Sabirabadda Vətən müharibəsi şəhidinin xatirə abidəsi açılıb

Sabirabad rayonunun Cəngən kəndində Vətən müharibəsi şəhidi Məmmədov İsmayıl Fərhad oğlunun xatirəsinə inşa olunan abidənin açılışı olub.

"Report"un Muğan bürosu xəbər verir ki, mərasimdə rayon rəsmiləri, şəhidin ailə üzvləri və ictimaiyyət nümayəndələri iştirak edib.

Tədbirdə çıxış edənlər şəhidin keçdiyi qəhrəmanlıq yolundan geniş söhbət açıblar.

Daha sonra şəhidin xatirəsinə həsr olunan boks yarışına start verilib.

Qeyd edək ki, İ.Məmmədov Şuşanın azadlığı uğrunda gedən döyüşlərdə şəhid olub. O, "Vətən uğrunda", "Füzulinin azad olunmasına görə" və "Şuşanın azad olunmasına görə" medalları ilə təltif edilib.