QHT sədri: “Azad edilən ərazilərdə mina partlayışları artıb”

“Son dövrlər azad edilən ərazilərdə mina ilə bağlı hadisələrə tez-tez rast gəlinir. Bir ay ərzində artıq 7-8 hadisə baş verib”.

“Report”un xəbərinə görə, bunu Beynəlxalq Avrasiya Mətbuat Fondunun (BAMF) prezidenti Umud Mirzəyev “Minasız Azərbaycan naminə səylərimizi birləşdirək” mövzusunda keçirilən konfransda çıxışı zamanı deyib.

Onun sözlərinə görə, Qarabağa və Şərqi Zəngəzura əhalinin gediş-gəlişi artıqca mina ilə bağlı problemlər də çoxalır: “Geri qayıdan əhali arasında maarifləndirmə işlərinin daha çox aparılmasına ehtiyac var”.